ईदको अवसरमा चामल तथा कपडा वितरण
सच तक नेपाल डेस्क,
२४ वैशाख, रौतहट । रौतहटको परोहा नगरपालिकामा कोबा डेभलपमेन्ट फाउन्डेसनद्धारा गरिब परिवारलाई चामल तथा बालबालिकालाई कपडा वितरण गरिएको छ ।
मुस्लिम समुदायको महान पर्व ईदको अवसर ३०० गरिब परिवारलाई चामल वितरण गरिएको थियो । त्यस्तै, २ वर्ष देखि १२ वर्षका २५० बालबालिकालाई कपडा वितरण गरिएको फाउन्डेसनका अध्यक्ष वासिम अख्तर (रेयाजी) ले जनाकारी दिए ।
“हामीले एउटा सानो प्रयास मात्र गरेका छौँ” फाउन्डेसनका अध्यक्ष अख्तरले भने । सबैको घरमा खुशी ल्याउन हामीले सो वितरण गरेको उनले बताए । परोहा नगरपालिका वडा नं.२ जिगाडवा टोलमा सो वितरण भएको उनले बताए ।
चामल र कपडा पाएपछि स्थानिय हर्सित भए । बितरणको लागि फाउन्डेसन लगायत वासिम अख्तरलाई पनि स्थानियहरुले धन्यवाद ज्ञापन गरेका थिए ।
...