प्रेम यादव
गाैर – सवारी चालक अनुमतिपत्र सेवा विस्तार सञ्चालन समुद्घाटन गर्न बिहिबार मधेश प्रदेशका मुख्यमन्त्री मान्निय सराेज कुमार यादव राैतहटकाे सदरमुकाम गाैर पुग्नु भएको छ।
मधेश प्रदेशको मुख्यमन्त्री मा.सरोज कुमार यादवले रिवन काटी विधिवत रुपमा यातायात कार्यालय गौरमा सवारी चालक अनुमतिपत्र सेवाको उद्घाटन गरेका हुन् ।
आजबाट रौतहट जिल्लाका बासिन्दा सहित छिमेकी जिल्लाका सेवाग्राहीलाई समेत सवारी साधनको लाईसेन्स लिन सहज हुने भएको छ।
यातायात व्यवस्था कार्यालय राैतहटमा बिलबुक नविकरण देखि सवारी अनुमति पत्र नवीकरण समेतकाे सेवा सञ्चालनमा आएको हो।
राैतहटकाे गाैर नगरपालिकासँगै रहेकाे राजदेवी नगरपालिका वडा -२ स्थित हजािनियामा दरवार नजिक सन्धया एण्ड अभि ट्रायल एण्ड ड्राइभिङ्ग सेन्टर ट्रायल दिने व्यवस्थापन भएको यातायात कार्यालय राैतहटले जनाएको छ। राैतहट पहिलो पटक ट्रायल सेन्टरकाे उद्घाटन हुँदा स्थानीयहरु हर्षित भएका छन्।
मुख्यमन्त्री यादवले उद्घाटनका साथसाथ प्रादेशिक अस्पताल गौर र गौर नगरपालिकामा समेत अनुगमन गरेका हुन् ।
