Sunday, July 21
Shadow

गाउँमा गाँजाकाे बेचबिखन गर्ने एक‌ वृद्ध महिला पक्राउ

राैतहट‌ – प्रहरीले बिहीबार २.५ किलाे लागुऔषध (गाँजा) सहित एक जना वृद्ध महिलालाई पक्राउ गरेको छ।

गाउँकाे एउटा घरमा लागु औषध गाँजा लुकाई छिपाई राखेको भन्ने सुचना प्राप्त हुनासाथ प्रहरीले बिहीबार करिब ३ बजेको समयमा जिल्ला रौतहट माधवनरायण नगरपालिका- ५ मिठुअवा एक जनाकाे घर तलासी गरेकाे थियाे । तलासी गर्दै जाँदा साे गाउँकै स्व- प्रेम साहको श्रीमती अंदाजी बर्ष ५२ की सितापती देवी साहले आफ्नो घरमा लुकाइछिपाई राखेको २.५‌ किलाे प्रहरीले बरामद गरेको जिल्ला प्रहरी कार्यालय राैतहटका सुचना अधिकारी (डिएसपी‌) उमाशंकर प्रसाद यादवले प्रेस विज्ञप्ति जारी गर्दै जानकारी दिनुभयो।

गाँजा बेचबिखन भइरहेको सुचना प्राप्त हुना साथ ईलाका प्रहरी कार्यालय गरुडा र जिल्ला प्रहरी कार्यालय रौतहटबाट संयुक्त रुपमा खटिएको प्रहरी टोलीले घरमा लागु औषध (गाँजा) फेला पारी निज सितापती भन्ने लोलावती देवी समेतलाई नियन्त्रणमा लिएको प्रहरी नायब उपरीक्षक (डिएसपी) यादवले विज्ञप्तिमा उल्लेख गरेका छन्।

पक्राउ परेकी वृद्ध महिलालाई कानुन बमोजिम प्रहरीले रौतहट जिल्ला अदालतबाट म्याद थप लिई ईलाका प्रहरी कार्यालय गरुडामा राखी थप अनुसन्धान कार्य भईरहेको जिल्ला प्रहरी कार्यालय राैतहटले जनाएको छ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

Leave a Reply

Your email address will not be published. Required fields are marked *