राैतहट – एक व्यापारिककाे मृत्यु पछि गरुडा नगरपालिकाका स्थानीयहरु धर्नामा उत्रिएका छन्। प्रहरीका साेमबार बिहान सवारी दुघर्टनामा परि गरुडाका स्थानीय व्यापारी राजनारायण साहकाे मृत्यु भएको हाे ।
प्रहरीले मृत्युकाे कारण अझै स्पष्ट खुलाउन सकेकाे छैन। गरुडा नगरपालिकाका नगरप्रमुख कन्थमनि जयसवालकाे नेतृत्वमा व्यापारिककाे घटना बारे स्पष्ट र निश्पक्ष छानबिन हुनुपर्ने माँग गर्दै स्थानीयहरु धर्नामा उत्रिएका छन्।
प्रहरीले मृत्युकाे कारण सडक दुर्घटना भनेपनि समय, स्थान र सवारी साधन बारे रहस्य खुलाउन सकेको छैन। उच्चस्तरीय छानबिनकाे माँग गर्दै त्यहाँका स्थानीयहरुले २ बजे सम्म धर्ना दिएका हुन् ।
प्रहरीले धाईते साहलाई उपचार समेत नगराएको त्यहाँका स्थानीयहरुकाे आरोप छ । उपचारकाे अभावमा
समेत मृत्यु भएको धर्ना दिएका व्यापारीहरुकाे भनाई छ । प्रहरी लापरबाहीकाे रबैया प्रति उनीहरूले दुख व्यक्त गरेका छन ।
यता घटना बारे प्रहरी अनुसन्धान गरि रहेकाे ईलाका प्रहरी कार्यालय गरुडाका प्रहरी निरिक्षक रामराजा केसरीले बताउनु भयो ।
प्रहरीले वास्तविक जानकारी नदिए पिडित परिवार स्थानिय व्यापारी छलफल गरि आन्दोलन गर्ने नगरप्रमुख कन्थमणी प्रसाद जयसवालले चेतावनी दिएका छन् । सोमबार बिहान मृत्युु भएका व्यापारी साहकाे शव प्रादेशिक अस्पताल गाैरमा पोष्टमार्टमका लागि राखिएको प्रहरीले जनाएको छ।
खबर सहयोगी : प्रेमचन्द्र झा