राैतहट – प्रतिनिधि सभा र प्रदेश सभा सदस्यकाे निवार्चनका लागि छनाेट भएका म्यादी प्रहरीहरुकाे तालिम आजबाट सुरु भएको छ ।
मंसिर ४ गते हुने प्रतिनिधिसभा र प्रदेश सभा सदस्यकाे निवार्चनमा शान्तिसुरक्षाका लागि नेपाल प्रहरीले ठुलाे संख्यामा म्यादी प्रहरीकाे माँग गरेकाे थियाे । साेही छनाेट भएका म्यादी प्रहरीकाे तालिम आजबाट हुदैछ ।
म्यादी प्रहरी भर्ना तथा छनौट, नियुक्ति तथा परिचालन मापदण्ड २०७९ अनुसार म्यादी प्रहरीमा भर्ना खुलेको थियो । भर्ना खुलेसँगै ९ हजार २ सय २६ ले राैतहटमा आवेदन दिएका थिए । जसमध्ये कुल माँगपद संख्या २९३९ रहेकाे जिल्ला प्रहरी कार्यालयका प्रवक्ता सुनिल मल्लले जनाएका थिए। 
छनाेट भएका म्यादीहरुलाई आजबाट जिल्ला प्रहरी कार्यालयले तालिम दिदैछ । गाैर स्थित राइस मिलबाट तालिमकाे उद्घाटन भएको छ ।
उक्त उद्घाटन कार्यक्रममा जिल्ला प्रहरी कार्यालय राैतहटका प्रहरी उपरीक्षक बिरबहादुर बुढामगर, प्रहरी नायब उपरीक्षक सुनिल मल्ल लगायत अन्य प्रहरी टाेलीहरु साथै छनाैट भएका म्यादी प्रहरीहरुकाे उपस्थिति रहेको थियो।