सचतक नेपाल न्यूज डेस्क,
२३ भाद्र, राैतहट । देशकै लागि नाम कमाउने राष्ट्रिय खेलाडी सन्दीप लामिछानेलाई क्यानले निलम्बन गरेको छ । राष्ट्रका लागि नाम कमाउने सफल क्रिकेटर सन्दिपलाई आराेपकै भरमा बलात्कारी ठहर गर्न थालिएकाे छ ।
नेपाल क्रिकेट संघ(क्यान)काे प्रथम पटक बसेको बैठकबाट तत्काल सन्दिप माथि क्यानले कुनै कार्वाही नगर्ने निर्णय गरेकाे थियाे। तर बिहिबार पक्राउ पुर्जी जारी भएसँगै सन्दिपलाई निलम्बन गरिएको क्यानले विज्ञप्ति जारी गर्दै जानकारी दिएका छन्।
नेपाली क्रिकेट टोलीका कप्तान सन्दीप लामिछानेमाथि जबर्जस्ती करणी (बलात्कार) को आरोप लागेको छ । १७ वर्षीया एक नाबालिका (किशोरी) माथि बलात्कार भएको भन्दै उनका दाजुले नेपाल प्रहरीको प्रहरी वृत्त गौशालामा मंगलबार सन्दीपविरुद्ध जाहेरी दिएका थिए ।
राष्ट्रकाे नाम गाैरव गर्ने सन्दिपलाई क्यानले पनि साथ छाेडिसकेकाे आजकाे निर्णयले अनुभुति देखाइसकेकाे छ।
बलात्कारपीडित भनिएकी किशोरी स्याङ्जा आरुचौर गाउँपालिका घर भई हाल काठमाडौंको बुढानीलकण्ठ नगरपालिकास्थित एक होस्टेलमा बसेर अध्ययन गरिरहेको प्रहरीले जनाएको छ ।
प्रहरीका अनुसार जाहेरीमा घटना भदौ ५ गते भएको भनिएको छ । उक्त दिन सन्दीपले बहिनीलाई काठमाडौं र भक्तपुरका विभिन्न स्थानमा घुमाउन लगेको र राति काठमाडौं महानगरपालिका–९ सिनामंगलस्थित एक होटलमा लगेर पटकपटक जबर्जस्ती करणी गरेको पीडित भनिएकी किशोरीका दाजुले दिएको जाहेरीमा उल्लेख छ ।
यसरी जाहेरी आएपछि प्रहरीले बुधबारदेखि नै अनुसन्धान थालेको छ । उता निलम्बनकाे निर्णय अघिनै सन्दिपले क्यानसँग सहयाेगकाे अनुराेध गरेकाे थियाे ।