Sunday, June 23
Shadow

पाँच वर्षमा जनताको सोचअनुरुप काम गर्न सकेनौं : प्रचण्ड

सचतक नेपाल डेस्क,
२१ भदौं, धनगढी । नेकपा (माओवादी केन्द्र)का अध्यक्ष पुष्पकमल दहाल प्रचण्डले पाँच वर्षमा जनताका काम गर्न नसेको स्वीकार गरेका छन् । मंगलबार धनगढी विमानस्थलमा सञ्चारकर्मीसँग कुरा गर्दै अध्यक्ष प्रचण्डले पाँच वर्षमा जनताको सोचअनुरुप काम गर्न नसकेको बताएका हुन् ।

अबको निर्वाचनबाट नयाँ जनादेश लिएर देशलाई समाजवादतर्फ उन्मुख गराउनुुपर्नेमा उनको धाराण थियो । जनताबाट निर्वाचित प्रत्यक्ष देशको कार्यकारी प्रमुखको पक्षमा रहेको समेत बताएका छन् ।

मंगलबार धनगढी विमानस्थलमा सञ्चारकर्मीसँग कुरा गर्दै अध्यक्ष प्रचण्डले पाँच वर्षमा जनताको सोचेअनुरुप काम गर्न नसकेको बताएका हुन् । अब जनताबाट निर्वाचित कार्यकारी प्रमुख भए मात्रै देशमा राजनीतिक निकास आउने उनले बताए ।

तत्कालीन प्रधानमन्त्री केपी शर्मा ओलीले जनभावनाविपरीत संविधान कुल्चने काम गरेको आरोपसमेत अध्यक्ष प्रचण्डले लगाएका छन् । ओली नेतृत्वको सरकारले संविधान उल्लंघन गरेर देशलाई प्रतिगमनमा लैजाने काम गरेको बताएका हुन् । संविधान मिचेर अहिलेसम्मका उपलब्धि लत्याउँदै मुलुकलाई प्रतिगमनतर्फ डो¥याउनेबाट बचाउन पुनः वर्तमान गठबन्धनको आवश्यकता परेको प्रचण्डको भनाइ छ ।

गठबन्धनबीच सिट वितरण र संघ तथा प्रदेश क्षेत्र एकै पटक टुङ्गो लगाउनुपर्ने बताउँदै प्रचण्डले केही दिनमै यी सबै टुंगिने पनि दाबी गरे । अध्यक्ष प्रचण्डले सबै दलबीच सिट वितरणमा समूया नहुने बताए ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

Leave a Reply

Your email address will not be published. Required fields are marked *