सचतक नेपाल न्यूज डेस्क,
२० भदौं, रौतहट । पाँच दिने नेपाल भ्रमणका रहेका भारतीय स्थल सेनाध्यक्ष मनोज पाण्डेले जङ्गी अडुडामा सम्मान गारतको निरीक्षण गर्नुभएको छ ।
नेपाली सेनाको एक टुकडीले आज विहान सैनिक मुख्यालय जङ्गी अड्डामा उनको सम्मानमा सम्मान गारत अर्पण गरेको थियो ।
त्यसअघि उहाँले सैनिकमञ्च टुँडिखेलस्थित वीर स्मारकमा श्रदाञ्जली अर्पण गर्नुभएको थियो ।
भारतीय स्थल सेनाध्यक्ष पाण्डे नेपाल भ्रमणको सिलसिलामा आइतबार पाँच सदस्यीय भ्रमणदलको नेतृत्व गर्दै काठमाडौं आइपुग्नुभएको हो । भारतीय स्थल सेनाध्यक्षको जिम्मेवारी सम्हालेपछि यो उहाँको पहिलो नेपाल भ्रमण हो ।
उहाँलाई आज राष्ट्रपति निवास शीतल निवासमा राष्ट्रपति विद्यादेवी भण्डारीले नेपाली सेनाको मानार्थ महारथी दर्जा प्रदान गर्ने कार्यक्रम रहेको छ । त्यहीं उहाँले राष्ट्रपति भण्डारीसँग शिष्टाचार भेटवार्ता गर्नुहुनेछ ।
भ्रमणको दौरान प्रधानमन्त्री एवं रक्षामन्त्री शेर बहादुर देउवासँग पनि औपचारिक भेटघाट गर्ने कार्यक्रम रहेको छ ।