खेतमा पानी जमेर देवाही गाेनाहीका किसानहरु पिडित

प्रेम यादव,
३० श्रावन राैतहट । केहि दिन यता भएको अविरल वर्षा कारण देवाही गोनाही नगरपालिका स्थित करुनिया देखि गोनाही बजार सम्म जाने सडकखण्डको पश्चिमतिर खेती योग्य जमिनमा पानी जमेर किसानहरु पिडित बनेका छन् ।

देवाही गोनाही नगरपालिकाका नगरप्रमुख र उप नगर–प्रमुखको लापरवाही कारण खेती योग्य जमिनबाट पानी निकास हुन नसकेको र बालीनालीलाई समेत क्षति पुगेको किसानहरूले बताए । कृषि प्रधान भनिएको देशमा पनि किसानको समस्याबारे जनप्रतिनिधिहरुले पहल गर्न नसकेको किसानहरुको भनाई छ ।

रौतहटको देवाही गोनाही स्थित करुनिया देखि गोनाही बजार जाने सडक खण्डको विभिन्न ठाउँमा लगाइएको ह्यूम पाईप हटाइएपछि सडकको पश्चिमपट्टीका खेतमा पानी जमेर किसानहरु पिडित हुन बाध्य बनेका छन् । करुनिया देखि गोनाही बजार जाने सडकको विभिन्न ठाउँमा ह्यूम पाइप लगाइएको थियो । तर पूर्वतिर खेत भएका धनीहरुले विरोध गरेपछि उक्त ह्यूम पाईप हटाइएको हो ।

खेती योग्य जमिनमा पानी निकास हुन नसकेर त्यहाँका किसानहरु पिडित बन्न बाध्य भएका हुन् । पिडित किसानहरुले देवाही गोनाही नगरपालिकामा पानी निकास गर्न निवेदन समेत दिएका थिए । जसपछि हिजो (आइतवार) देवाही गोनाही नगरपालिकाको कार्यालयमा बसेको बैठकबाट पुनः ह्यूम पाईप लगाइ खेती योग्य जमिनबाट पानी निकास गर्ने निर्णय भएको थियो । रामपुकार पटेल, रामबाबु प्रसाद पटेल, देवन साह र रघुनाथ पटेलको खेत सामु १ फिटका ह्यूम पाइप जडान गरी पानी निकास गर्ने बैठकबाट निर्णय भएको थियो ।

पानी निकास गर्न निर्णय भएपनि कार्य सम्पन्न हुन सकेको छैन् । मात्र झारो टार्न काजमा निर्णय भएको र उप प्रमूख परनिया देवीको श्रीमानको रजगजका कारण कार्य सम्पन्न हुन नसेकको पिडित किसान प्रदिप साहले बताए ।

“हाम्रो पुर्वज देखिनै सोही मुहार भएर पानी निकास हुदै आएको छ । स्थानिय सरकारले यसबारे कुनै चासो देखाएको छैन् ।” पिडित किसानहरुको भनाई छ ।

नगरपालिकाको बैठकबाट निर्णय गरेपनि दुईपक्क्षिय बिवाद कारण पानी निकास हुन नसकको र पानी निकास गर्न हामी प्रयासरत रहेको देवाही गोनाही नगरपालिकाका नगरप्रमुख प्रेमलाल शाहले टेलिफोन सम्पर्कमा सचतक नेपालका टिमलाई बताए । त्यहाँ पानी निकास गर्न सडकको ५ ठाउँमा ह्यूम पाइप रहेका र यदी ५ औँ ह्यूम पाइप एक साथ खोलियो भने करिब २ घण्टामा सबै पानी निकास हुन सक्ने उनले खुलासा गरे । तर २ पक्षिय विवाद कारण ह्यूम पाइप संचालन गर्न नसकेको उनले बताए ।

पानी निकास नभएर खेतमा रोपिएका बाली समेत नष्ट भएर किसान पिरमा परेका छन् । खेती योग्य जमिनमा १५ दिन भन्दा बढी देखि पानी जमिएको छ । कम्तिमा ४०–४५ परिवारका खेतमा पानी जमेको छ ।

नगरप्रमुख शाह र उपप्रमुख परनिया देवी रहेका छन्। नेकपा एमालेबाट द्राेस्राे पटक उपप्रमुख बनेपछि उनकै रजगज बढी रहेको स्थानीयहरु बताउँछन्। यसअघि एमालेकै नगरप्रमुख शाहका २ छोराहरुले‌ उचिडी निवासी कलाकार राैनक नविनलाई टिकटकमा भिडियो बनाएको कारण कुटपिट गरेका थिए ।

दुई दिन भित्र किसानकाे समस्या समाधान नगर प्रमुख शाहले बताएका छन्।