Tuesday, June 18
Shadow

इङ्गल्याण्ड सामु भारत सय रनले पराजीत

सचतक नेपाल,
इङ्गल्याण्डले दोस्रो एक दिवसीय क्रिकेट खेलमा भारतलाई सय रनले पराजित गरेको छ । बिहीबार राति भएको खेलमा भारतले आत्मसमर्पण गरेसँगै इङ्गल्याण्डले फराकिलो अन्तरको जित निकालेको हो । यो नतिजासँगै इङ्गल्याण्डले शृंखलामा बराबरी गरेको छ । अब अन्तिम तथा निर्णायक खेल आइतबार हुनेछ ।

२४७ रनको विजयी लक्ष्य पछ्याएको भारत ३८.५ ओभरमा सबै विकेट गुमाउँदै १४६ रनमा समेटियो । भारतका लागि रविन्द्र जडेजा र हार्दिक पान्ड्याले समान २९ रन बनाए ।

भारतका अग्रपंक्तिका ब्याट्सम्यानहरुले घुँडा टेकेसँगै इङ्गल्याण्डले घरेलु लर्डस्को मैदानमा भएको खेल सहजै जितेको हो । इङ्गल्याण्डका बलर रीस टोप्लीले उत्कृष्ट बलिङ गर्दै २४ रन खर्चेर ६ विकेट लिए ।

यसअघि टस हारेर पहिले ब्याटिङ गरेको इङ्गल्याण्डले ४९ ओभरमा सबै विकेट गुमाउँदै २४६ रन बनायो । मोइन अलीले ४७ रन बनाए । डेविड विल्ली ४१ रनको योगदान गरे । भारतका युजभेन्द्र चहलले ४ विकेट लिए ।

त्यस्तै जसप्रित बुमराह र हार्दिक पान्ड्याले समान २–२ विकेट लिए ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

Leave a Reply

Your email address will not be published. Required fields are marked *