
प्रेम यादव,
२८ जेठ, रौतहट । आज रौतहटको चन्द्रपुरमा व्यापक राहत वितरण कार्यक्रम विधिगतरुपले सम्पन्न भएको छ ।टेवा नेपालको आर्थिक सहयोगमा चन्द्रपुर नगरपालिका वडा ४ मा खाधान्न समाग्री वितरण भएको छ । आजको राहत वितरण कार्यक्रम महिला सुरक्षा दवाव समुहले आयोजना गरेका थिए ।
कोभिड–१९ को सन्दर्भमा सामुदायिक जालो र नारीवादी आन्दोलनको सृदृढीकरण अन्र्तगत व्यापक राहत वितरण गरिएको हो । टेवा को आर्थिक सहयोग र महिला सुरक्षा दवाव समूह चन्द्रपुर ४ रौतहटको संयोजकत्वमा चन्द्रपुर नगरपालिकाको विभिन्न वडाहरुका दलित, अपाङ्ग, गरिब, जनजाति, एकल महिला, गर्भवती, हिंसा पीडित, दिर्घरोगी गरी जम्मा २३ जनालाई खाधान्न, भाडाँकुडी, मोबाइल सेट, ग्याँस चुल्ला, बीउविजनहरु वितरण गरिएको हो ।
“दलित, अपाङ्ग, गरिब, जनजाति, एकल महिला, गर्भवती, हिंसा पीडित, दिर्घरोगीले व्योह्र्नु पर्ने समस्यहरुलाई पूर्ण गरेर टेवा नेपाल र महिला नारीवादी आन्दोलनका प्रमुख तत्वका लागि राहत वितरण गरेका छौँ” महिला सुरक्षा दवाव समूहकी अध्यक्ष देवकी नेपालले सच तक नेपाललाई भने । अध्यक्षको नाताले यो कार्यक्रमसँग भएको २ वर्ष भयो । हामीले यो तेस्रो पटक राहत बाडेको अध्यक्ष नेपालले बताए । यो अभियान मार्फत पहिलो पटक हो तर अन्य अभियानबाट पनि हामीले राहत बितरण गर्दै आएको अध्यक्ष नेपालले जानकारी दिए ।
राहत पाएपछि त्यहाँका स्थानियहरु हर्सित भएका छन् । यस्ता वितरण कार्यक्रमबाट पीडितहरुको घाउँमा मलहमको काम गरेको छ ।
त्यस्तै मिना कुमारी जर्गाको संयोजकत्वमा ११ सदस्य कार्य समिति साथै ६१ जनाको समिति गठन समेत भएको छ । उक्त कार्यक्रममा चन्द्रपुर नगरपालिका १ अन्तर्गत सामुदायिक सुरक्षा जालो गठन पनि भएको हो ।
राहत वितरण कार्यक्रममा प्रमुख अतिथिका रुपमा चन्द्रपुर ४ का वडा अध्यक्ष रवि राना, चन्द्रपुर १ का अध्यक्ष बलराम राउत, बलराम खडका, सुब्बा कार्की, राकेश यादव लगायत अन्य व्यक्तिहरुको उपस्थिति रहेको थियो ।
महिला सुरक्षा दवाव समूहका अध्यक्ष देवकी नेपालको अध्यक्षतामा आजको वितरण कार्यक्रम सम्पन्न भएको छ ।
( नोट : यो कार्यक्रमसँग सम्बन्धित भिडियो आइतवार १ बजे सच तक नेपालको अफिसियल फेसबुक र युट्युब मार्फत हेर्न सक्नु हुनेछ । )