प्रेम यादव
४ जेठ, रौतहट । गाैर नगरपालिकाकाे मेयर पदमा शम्भु साह निर्वाचित भएका छन् । रौतहटको सदरमुकाम गौर नगरपालिकाको मेयर र उपमेयर दुवै पदमा नेकपा एकीकृत समाजवादीका उम्मेदवारहरु विजयी भएका छन् ।
नेकपा एसका उम्मेदवार शम्भु साह निकटतम् प्रतिस्प्रधि लोकतान्त्रिक समाजवादी पार्टीकाे तर्फबाट अजय गुप्तालाई पराजित गर्दै मेयर पदमा निर्वाचित भएका हुन् ।
साहले ६ हजार ३८१ मत प्राप्त गर्दा प्रतिद्धन्दी गुप्ताले ३ हजार ७५५ मत ल्याए । नेपाली कांग्रेसका उम्मेदवार मोहनकुमार यादवले ३ हजार २११ मत पाए ।
त्यस्तै गाैर नगरपालिकाकाे उपमेयर पदमा पनि एकीकृत समाजवादीकै शैलकुमारी साह निर्वाचित भएकी छन् । उनले ४ हजार ८०९ मत ल्याइन् भने निकटतम प्रतिद्वन्दी जनता समाजवादी पार्टीका अमरुल कले १ हजार ४७ मत पाए । त्यसै गरी नेपाली कांग्रेसकी उपमेयर उम्मेदवार शाहजान खातुनले ९४४ मत ल्याइन् ।