प्रेम यादव
राैतहट । श्राेत नखुलेको रकमसहित एक भारतीय नागरिक पक्राउ परकाे छ ।
रौतहटको बौधीमाई नगरपालिका ९ सरमुजवाबाट स्रोत नखुलेको नगदसहित भारतको बिहार मोतिहारी थाना महुअवा घर भएका ४५ वर्षीय दिप नारायण प्रसादलाई हिरासतमा लिएको जिल्ला प्रहरी कार्यालयका प्रहरी नायव उपरिक्षक (डिएसपी) सुनिल मल्लले जनकारी दिनुभयाे ।
शुक्रबार साँझ राैतहटकाे एस १ (पंकज कुमार सिंह) काे कमाण्डमा खटिएको ४ जना टोलीले सवारी चेकजाँच गर्ने क्रममा भारतबाट नेपालतर्फ आउँदै गरेको बिआर–०५ वाई २९६९ नम्बरको मोटरसाइकल रोकी चेक जाँच गर्दा उनको साथबाट स्रोत नखुलेको १८ लाख ७३ हजार ६ रुपैयाँ बरामद भएको डिएसपी मल्लले जानकारी दिनु भयाे ।
सवारी साधन चेकजाँच गर्ने क्रममा निज दिप सवार भएकाे माेटरसाइकलकाे सिट मुनि र हेलमेटबाट हुन्डी काराेवारकाे लागि नेपाल ल्याउँदै गरेकाे रकम फेला परेकाे हाे । माेटरसाइकल र रकम सहित कुल १९ लाख ७३ हजार गाैर भन्सार कार्यालयमा बुझाइएकाे प्रहरीले जनाएकाे छ ।
पक्राउ परेका दिपमाथि थप अनुसन्धान भइरहेको जिल्ला प्रहरी कार्यालय रौतहटले जनाएको छ ।